Rydym ni’n credu fod gallu cael gafael ar fwyd a gyflenwir yn lleol yn bwysicach nag erioed. Fe wnaeth y blynyddoedd diwethaf ddangos y gwendidau yn y cadwyni cyflenwi byd-eang, a gyda’r ansicrwydd ynglŷn â’r newid yn yr hinsawdd a’r dirwedd wleidyddol, nid yw hyn yn mynd i fynd yn haws.

 

Dyna pam mai ein nod yw cysylltu cynhyrchwyr a chyflenwyr bwyd â’r gymuned leol; i sicrhau mynediad hawdd at fwyd iach sy’n werth am arian.

 

Mae hybiau bwyd cymunedol yn ffordd wych o gysylltu pobl ag o ble daw bwyd. Rydym ni’n helpu cymunedau i lansio hybiau bwyd sy’n cael eu rhedeg gan wirfoddolwyr i gynyddu mynediad at fwyd ffres sy’n werth am arian. Gall hyn gynnwys ffrwythau, llysiau, salad, cynnyrch llaeth, bara, pysgod, cig a mwy. Byddwn ni’n gweithio gyda chi a’ch cyflenwyr lleol i ddod o hyd i’r dewisiadau iawn ar gyfer eich cymuned.

 

Mae pobl, a’r penderfyniadau maen nhw’n eu gwneud, yn hanfodol i sicrhau bod systemau bwyd lleol yn gweithio. Dyna pam ein bod yn canolbwyntio’n bennaf ar roi’r hyder a’r sgiliau i wirfoddolwyr sefydlu a rhedeg hybiau bwyd eu hunain. Gan ddarparu profiad gwerthfawr a all hefyd ddarparu llwybrau at gyflogaeth.

 

Mae hefyd yn fodel gwych i gyflenwyr a chynhyrchwyr; yn creu marchnad sicr a fydd yn cynhyrchu incwm hanfodol, na fyddai’n bodoli fel arall.

 

Derbyniodd prosiect Dosbarthu Bwyd Cymunedol Cymru a phrosiect Gwerthu Cymunedol Ffres Sir Benfro arian drwy Gymunedau Gwledig Llywodraeth Cymru - Rhaglen Datblygu Wledig 2014-2020, a ariennir gan Gronfa Amaethyddol Ewrop ar gyfer Datblygu Gwledig a Llywodraeth Cymru. Daeth y ddau brosiect i ben yn llwyddiannus ym mis Mehefin 2023 a bellach nid oes unrhyw gymorth penodol ar ôl cwblhau’r rhaglen. Fodd bynnag, os bydd gennych unrhyw ymholiadau, efallai y bydd PLANED fel y gweinyddwyr blaenorol yn gallu helpu.